Daut Beqiri

Kryetari aktual i komunës.

Të dhënat për Daut Beqiri

Data e marrjes së detyrës: 31.10.2025
Lidhja partiake: VLEN
Postë elektronike: dautbeqiri@haracina.gov.mk

Daut Beqiri ka lindur më 22 nëntor 1988 në Haraçinë, Maqedoninë e Veriut, ku dhe jeton. Arsimin e lartë e ka përfunduar në Fakultetin e Kriminalistikës, drejtimi Detektiv dhe Siguri. Më herët ka ndjekur gjimnazin “Zef Lush Marku” në Shkup dhe shkollën fillore “Marshall Tito” në Haraçinë.

Karrierën profesionale e ka ndërtuar si afarist, duke qenë pronar dhe menaxhues i një biznesi familjar në sektorin e prodhimit të mobiljeve. Përvoja e tij shumëvjeçare në menaxhim i ka mundësuar zhvillimin e aftësive në organizim të punës, koordinim ekipor dhe planifikim strategjik.

Përveç angazhimit profesional, Daut Beqiri është i lidhur ngushtë me jetën shoqërore të komunitetit. Ai ka kontribuar si këshilltar në xhaminë Miraxh, është anëtar i kryesisë së KF Shkëndija 77, si dhe pjesë e këshillit të pajtimeve në komunitet. Këto angazhime dëshmojnë përkushtimin e tij ndaj mirëqenies së qytetarëve dhe ndërtimit të një mjedisi të qëndrueshëm shoqëror.

Në aktivitetet e tij, ai është i njohur për pjesëmarrjen në iniciativa humanitare dhe për mbështetjen e qytetarëve në nevojë. Angazhimi i tij i vazhdueshëm për zhvillimin e Haraçinës reflekton vizionin e tij për një komunitet të fortë, të organizuar dhe të orientuar drejt progresit. Ai zotëron aftësi të avancuara në lidership, komunikim me komunitetin, negocim dhe zgjidhje konfliktesh, si dhe është i njohur për përgjegjshmërinë dhe përkushtimin në punë. Flet shqip (gjuhë amtare), ndërsa maqedonishten e zotëron shumë mirë dhe anglishten mirë.

Vlerësim nga ana e punës

1 – Shumë keq;
3 – Mesatare;
5 – Shumë mirë.

Ish kryetarët e bashkive