Bashkë me familjet e Dëshmorëve,eprorë dhe ish-ushtarë të UÇK-së i shoqëruar nga Deputeti i zonës Berat Ajdari dhe Kryetari i Komunës së Bogovinës Besnik Emshiu kemi përkujtuar më të devotshmit dhe më të merituarit,ata që i falën gjakun atdheut që ne sot të frymojmë lirshëm.
Sot është dita kur bëhen bashkë dhimbja dhe krenaria,e kaluara dhe e ardhmja ashtu siç ndodhi 22 vite më parë pikërisht më 24 Qershorë 2001 kur u bënë bashkë jeta dhe vdekja,ishin çaste kur trimat e UÇK ishin ngujuar në istikame të përbetuar për liri ose vdekje.
Sot kemi përkujtuar heroizmin,sakrificën dhe trimërinë e djemve nën emblemën e Ushtrisë më të lavdishme të gjitha kohërave.
Lavdi Dëshmorëve të Kombit të rënë për liri e vatan.
