THIRRJE PUBLIKE

Komuna e Haraçinës fton të gjithë të rinjtë e moshës 15 deri në 29 vjeç që jetojnë në territorin e komunës të aplikojnë për t’u bërë pjesë e Këshillit Rinor Lokal (KRL).

Këshilli Rinor Lokal është një trup këshilldhënës që përfaqëson interesat e të rinjve pranë Këshillit të Komunës dhe kontribuon në krijimin e politikave dhe aktiviteteve që përmirësojnë jetën e rinisë në Haraçinë.

Kush mund të aplikojë?

Të rinjtë e moshës 15-29 vjeç

Përfaqësues të organizatave rinore dhe organizatave për të rinj;

Përfaqësues të forumeve rinore të partive politike

Përfaqësues të këshillave të nxënësve dhe studentëve

Të rinj aktivistë që nuk janë pjesë e ndonjë organizate.

Kriteret e aplikimit:

Të jenë banorë të Komunës së Haraçinës

Të jenë të moshës 15-29 vjeç

Të kenë vullnet dhe interes për të kontribuar në politikat rinore lokale.

Dokumentet e nevojshme:

Formulari i aplikimit;

Letër motivimi

CV (biografi e shkurtër)

Kopje e letërnjoftimit ose certifikatës së lindjes (për personat nën 18 vjeç)

Letër nominimi nga organizata/subjekti përkatës (për përfaqësuesit e organizatave).

Afati i aplikimit: Deri më 15.06.2026, ora 15:00.

Dorëzimi i aplikimeve:

Në arkivin e Komunës së Haraçinës

Info Kontakt: 075-380/654

Përzgjedhja do të bëhet nga Komisioni Vlerësues i formuar nga Këshilli i Komunës, duke respektuar parimin e barazisë gjinore dhe përfaqësimit të larmishëm të të rinjve.

Bëhu zëri i rinisë së Haraçinës!

Ju presim të aplikoni.