Kryetari i Komunës së Haraçinës, z. Daut Beqiri, priti në takim përfaqësuesit e Shoqatës “Mërgimtarët e Haraçinës”, kryetarin e shoqatës z. Ramadan Jusufi dhe z. Mursel Ibrahimi.

Gjatë takimit u diskutua për thellimin e bashkëpunimit ndërmjet komunës dhe mërgatës. Kryetari Beqiri vlerësoi lart rolin e mërgimtarëve tanë, të cilët ndër vite kanë qenë një shtyllë e fortë për zhvillimin e Haraçinës dhe mbështetës të rëndësishëm të iniciativave dhe projekteve për të mirën e qytetarëve.

Komuna e Haraçinës mbetet e përkushtuar të vazhdojë bashkëpunimin me mërgatën, duke punuar së bashku për zhvillimin e komunës dhe për një të ardhme më të mirë për të gjithë banorët.