Fillimi i punimeve për ujësjellësin – Orllancë

Kanë filluar punimet për ndërtimin e ujësjellësit në fshatin Orllancë, me gjatësi prej 1300 metrash. Ky projekt do të sigurojë furnizim më të qëndrueshëm me ujë për banorët dhe do të përmirësojë ndjeshëm kushtet e jetesës në zonë.
Është përfunduar faza e fundit e projektit në Haraçinë, e cila përfshinte mbulimin e kanalit në një gjatësi prej 320 metrash.
Rruga 12 – Haraçinë

U përfunduan punimet në Rrugën 12 në Haraçinë, ku u realizua ndërtimi i kanalizimit fekal dhe atij atmosferik, ndërtimi i trotuarit, rikonstruktimi i plotë i rrugës si dhe vendosja e sinjalizimeve horizontale dhe vertikale. Ky projekt përmirëson ndjeshëm infrastrukturën dhe sigurinë për banorët dhe përdoruesit e rrugës.
Vazhdon dinamika e punimeve në renovimin e brendshëm të ambulantës në Haraçinë

Ashtu siç është paraparë, po vazhdon me intensitet puna në renovimin e pjesës së brendshme të ambulantës në Haraçinë. Punimet po zhvillohen sipas planit të parashikuar, me qëllim përmirësimin e kushteve dhe krijimin e një ambienti më të përshtatshëm për ofrimin e shërbimeve shëndetësore për qytetarët tanë.