На средбата беше опширно разговарано за итната потреба Арачиново да добие повеќе автобуски линии и поредовна услуга на јавниот превоз. Ова е едно од најчестите барања на нашите жители, кои секојдневно се соочуваат со тешкотии при патувањето кон Скопје и другите подрачја.
Беше нагласено дека проширувањето на автобуски линии и зголемувањето на нивната фреквенција е неопходност за секојдневниот живот на граѓаните, особено за учениците, студентите, работниците и повозрасните лица кои зависат од јавниот превоз.
Од компанијата „Вестор Транс“ беше побарано овој процес да се реализира што е можно побрзо, да му се даде приоритет на Арачиново и да се воспостави пофункционален возен ред, со повеќе автобуси во текот на денот.
Општина Арачиново ќе продолжи посветено да работи на донесување конкретни подобрувања, обезбедувајќи подобри и поквалитетни услуги за сите наши жители.









