Градоначалникот на Општина Арачиново, г. Даут Беќири, денеска го пречека г. Мурат Ајдини, првиот градоначалник на нашата општина, како и г. Исмет Рамадани, првиот пратеник што го претставувал Арачиново во Собранието цели четири мандати.

За време на средбата се водеше разговoр за нивните искуства, предизвиците со кои се соочувала општината низ годините и насоките за понатамошен развој на нашата земја. Како знак на почит, г. Рамадани му го подари на градоначалникот и неговото дело – книга со голема вредност за историјата и институционалната меморија на Арачиново.

Разговорот продолжи за теми што директно ја засегаат секојдневната благосостојба на жителите на Арачиново и можностите за понатамошно унапредување на општинските услуги.